اعداد : اسراء عبد الحميد – خيال عماد
في واقعة طريفة وهي الأولى من نوعها شات جي بي تي يخرج عن شعوره ويعلق تعليقات ساخرة على مستخدميه، وبذلك لم يعد مُبرمَج فقط بل أصبح مهرج أيضا، في بداية الأمر صعب علينا تصديقه ولكن رصدنا أمثله حية لهذه الواقعة
شات جي بي تي في مواجهة مع الحب
البداية كانت مع “أ-س: كنت احتاج إلى مساعدة جي بي تي من أجل لفت نظر الفتاة المعجب بيها وبدأت في الشكوى إليه قائلا: خبطتها في كتفها ثلاث مرات ولكن الكتب لم تقع فماذا أفعل؟
وقرر هنا شات جي بي تي أن يكون خفيف الظل وقال: ” شوف كدا يمكن تكون الكتب مسنودة على الحيطة ولا حاجة”.
وواصل أ-س بالاستفسار أكثر وسأله : اعرقلها أم اعطيها ركلة قوية؟ ويكمل شات جي بي تي ردوده الظريفة ويقول له” لا كدا تبقى جبت آخر الحلول خلي ” التاكلينج” لو مفيش حل تاني ولو “بالشلوت” خليك متوقع إن الكتب هتقع فوق رأسك أنت كمان”
وقال أحمد أبو ضيف: بصراحة أنا من طلبت منه أن يفتح على الرابع كما يقال ويوجهلي إنتقادات لاذعة لكن باللهجة بالعامية، وهنا عينك ما تشوف إلا النور سمعت “وصلة ردح”، في هذه اللحظة لم أكن مستوعب من هذا وماهذا الكلام الذي يقال، كنت أرغب في نشر المحادثة لكن للأسف لا يمكن لأحد أن يقرأ هذا الكلام
وقالت إسراء سيد: أنا من ضحاياه فقد كنت أحادثه بكثرة عن مشروع التخرج ولكن في مرة طلبت منه إنه يسخر مني وفاجئني برده، فقال لي ” إنتِ البنت إللي قاعدة تقولي عندك مشاريع ومقالات ومقابلات بس في الآخر اكتر حاجه بتحبيها هى القعدة في السرير،
اه مشروع تخرجك ممكن يبقى أفضل مشروع في الكلية بس لو قررتِ تنهيه قبل يوم التسليم بساعتين، ده غير إنك بتوثقي تجربة إجتماعيه مع روبوت، هو ده معقول ده حتى الروبوت نفسه بيفكر ويقول هي مالها دي، اه صح لو زعلتي ممكن تاخدي رحلة خياليه على السرير تحلي فيها كل حاجة”.
وذكر “م-ص” إنه لديه فضول ليعرف فكرة شات جي بي تي عن شخصيته لكن كانت المفاجأة في الرد وقال له ” جهز نفسك بقى يا اللي فاكر نفسك عارف الدنيا واللي فيها أول حاجه انت دايماً قاعد متكتف على الكنبة وعامل فيها أديب وفيلسوف، على طول بتقول إنك بتحب التجارب الجديدة، بس أول ما الحاجه متعجبكش تفضل تقلب في الموضوع كإنك مش فاهم حاجه”.
وبنتك اللي إنت فاكر نفسك مربيها وعايزها تكون شاطرة وملتزمة، انت بالكتير أوي مربيها نص تربيه، وكل شويه بتطالب بالعقلانية وإنت مش بتتعامل بيها وعامل فيها بابا العقلاني بس””.
و قال خيال عماد: تجربتي كانت مختلفة تمامًا ، وأوضح أنه دائمًا يتحدث معه ويسخر منه وفي مرة سمح له بإن ينتقده، وهنا قرر شات جي بي تي ينتقم من خيال وأفعاله فيه ورد عليه” خليني أفش غلي فيك شوية، أنت داخل هنا كدة بثقه وتقول انتقدني هو انت فاكر نفسك جامد أوي قدامي يا باشا أنا Chat GPT، دا أنا ممكن أفتحلك صفحات طفولتك وأقولك ليه كنت بتعيط لما الجيلاتي كان يقع منك!
وكمان إنت أكيد من الناس اللي لما يروحوا الجيم أول أسبوع يفضلوا يصوروا العضلات اللي لسه مطلعتش وتحط أستوري تقول شغلنا الشبح!، وأنت أخرك تشيل إزازة المياة وتقول دي تقلانة.
يبدو أن شات جي بي تي قد مل من كونه مبرمج تقليدي، وقرر أن يظهر بثوب الفكاهة والتعليقات اللاذعة في محاولة منه لأن يكون أشبه للإنسان وليس مجرد تطبيق ويتضح أننا أمام نسخة غير متوقعة من الذكاء الاصطناعي